“უკრაინელების მიერ ხერსონის გათავისუფლება უკრაინის მნიშვნელოვანი გამარჯვებაა”

აშშ-ის პრეზიდენტმა, ჯო ბაიდენმა განაცხადა, რომ უკრაინელების მიერ ხერსონის გათავისუფლება უკრაინის მნიშვნელოვანი გამარჯვებაა.

„უპირველეს ყოვლისა, ეს იყო უკრაინის მნიშვნელოვანი გამარჯვება და სხვა არაფერი შემიძლია ვთქვა, გარდა იმისა, რომ ტაშს ვუკრავ უკრაინელი ხალხისა და უკრაინელი სამხედროების გამბედაობასა და მონდომებას. ისინი მართლაც საოცარნი არიან. მე ძალიან მკაფიოდ განვაცხადე, რომ ჩვენ გავაგრძელებთ უკრაინელი ხალხის თავდაცვისუნარიანობის უზრუნველყოფას და არ ვაპირებთ რაიმე მოლაპარაკებაში მონაწილეობას. ეს არის გადაწყვეტილება, რომელიც უკრაინამ უნდა მიიღოს“, – აღნიშნა აშშ-ის პრეზიდენტმა