შეერთებული შტატების გამოძიების ფედერალური ბიუროს ინფორმაციით, „ისლამური სახელმწიფოს“ მებრძოლები თავიანთ მხარდამჭერებს მოუწოდებენ, საშობაო არდადეგების პერიოდში, ამერიკაში, ხალხმრავალ ადგილებს, მათ შორის ტაძრებს, თავს დაესხან.
„FBI ვალდებულია გაცნობოთ, რომ ინტერნეტში ვრცელდება ინფორმაცია აშშ-ს ტაძრებზე სავარაუდო თავდასხმის შესახებ. FBI თვალყურს ადევნებს და მიმდინარეობს გამოძიება, რამდენად შეესაბამება რეალობას ეს ინფორმაცია“ – აღნიშნულია FBI-ის განცხადებაში.
პარალელურად სახელმწიფო დეპარტამენტი შეერთებული შტატების მოქალაქეებს იორდანიასა და ეგვიპტეში გამგზავრებისგან თავის შეკავება ურჩევს. მიზეზად უწყება ტერორისტულ საფრთხეს ასახელებს.
კომენტარები