რესპუბლიკურმა პარტიამ აშშ-ის წარმომადგენელთა პალატაში უმრავლესობა მოიპოვა. „ბიბისის“ ცნობით, ახლა ისინი გარანტირებულად უკვე 218 მანდატს ფლობენ, რაც უმრავლესობისთვის აუცილებელი მინიმუმი იყო. თუმცა, შუალედური არჩევნების ხმების დათვლა ჯერ კიდევ მიმდინარეობს.
პროგნოზირებენ, რომ 435-მანდატიან წარმომადგენელთა პალატაში „რესპუბლიკური პარტია“, საბოლოო ჯამში, 223 ადგილს მოიპოვებს. ამ დროისთვის დემოკრატები გარანტირებულად 210 ადგილს ფლობენ.
რაც შეეხება სენატს, აქ უმრავლესობის შენარჩუნება დემოკრატებმა შეძლეს. ამ დროისთვის მათ უკვე 50 ხმა აქვთ. არჩევნების მეორე ტური ჯორჯიის შტატში უნდა გაიმართოს. თუმცა, მის შედეგს ძალთა ბალანსზე გავლენა აღარ ექნება.
კომენტარები