უკრაინის სახელმწიფო სასაზღვრო სამსახურის ინფორმაციით, დონეცკის ოლქის ერთ-ერთ ქალაქთან თავდაცვითი ბრძოლის დროს, უკრაინელმა მესაზღვრეებმა რუსი “პატიმარი” დააკავეს, რომელიც აივ ინფიცირებულია.
უწყების ცნობით, კაცი უკრაინელებს თავად ჩაბარდა.
გარდა ამისა მისივე თქმით, ის რუსულ საოკუპაციო ძალებში ციხიდან გადაიყვანეს, სადაც სასჯელს 4 წელი იხდიდა. პატიმარმა ასევე აღნიშნა, რომ მას მძიმე დაავადება – აივ ინფექცია აქვს.
დაკავებული რუსი პატიმარი საერთაშორისო ჰუმანიტარული სამართლის ყველა ნორმის დაცვით, კომპეტენტურ ორგანოებს გადაეცათ.
შეგახსენებთ, რომ რამდენიმე კვირის წინ, ბრიტანეთის დაზვერვა თავის ყოველდღიურ განახლებაში წერდა, რომ ვაგნერის დაჯგუფება მძიმე დაავადებების მქონე რუს პატიმრებს, მათ შორის, აივ ინფექციითა და C ჰეპატიტის დაავადებულებს ქირაობს.