ინდონეზიაში მიწისძვრის შედეგად 56 ადამიანი დაიღუპა, 700-მდე კი დაშავდა, – ამის შესახებ ინფორმაციას „ევრონიუსი“ ავრცელებს. კუნძულ იავაზე მომხდარი მიწისძვრის სიმძლავრემ 5.6 მაგნიტუდი შეადგინა.
მიწისძვრა იავას დასავლეთ ნაწილში ჩიანჯურის ქალაქთან ახლოს, ჯაკარტიდან კი 45 მილის დაშორებით, ადგილობრივი დროით 13:21 საათზე მოხდა. მიწისქვეშა ბიძგები იგრძნობოდა ინდონეზიის დედაქალაქ ჯაკარტაშიც, რომელიც ეპიცენტრიდან 100 კილომეტრშია.
სტიქიის ზონაში სამაშველო ოპერაცია გრძელდება. ხელისუფლება მოსახლეობას აფრთხილებს, რომ უახლოეს ხანში მოსალოდნელია განმეორებითი ბიძგები. დაღუპულთა რაოდენობა შესაძლოა გაიზარდოს.
კომენტარები