სამკვირიანი პაუზის შემდეგ თორნიკე შენგელია მოედანზე ევროლიგის მატჩში დაბრუნდა. ქართველი კალათბურთელის „ვირტუს ბოლონია“ მე-12 ტურში „ოლიმპიაკოსს“ შეხვდა და ანგარიშით 71-117 წააგო.
საქართველოს ნაკრების კაპიტანმა 20 წუთი ითამაშა და 9 ქულა, 2 მოხსნა, ერთი შედეგიანი გადაცემა და ამდენივე ჩაჭრა დააგროვა. შენგელიამ 7-დან 3 ორქულიანი და 6-დან 3 საჯარიმო ჩააგდო.
„ბოლონია“ 4 მოგებით და 8 წაგებით მე-16 ადგილზეა, შემდეგ შეხვედრას კი 14 დეკემბერს ბერლინის „ალბას“ წინააღმდეგ ჩაატარებს.
კომენტარები