ფრაქცია „ქართული ოცნების“ თავმჯდომარე მამუკა მდინარაძე აცხადებს, რომ სახალხო დამცველის კანდიდატებთან დაკავშირებით ოპოზიციასთან გამართულ შეხვედრაზე ისაუბრეს ბევრ დეტალზე, მათ შორის პერსონიფიცირებით, თუმცა დისკუსიის ბოლოს ყველამ ერთად თქვა, რომ დღეს კონკრეტულ კანდიდატებზე არ ისაუბრებენ.
„შევთანხმდით, რომ კონკრეტული მესიჯების გარეთ გამოტანა ალბათ უხერხულ მდგომარეობაში ჩააყენებდა ორივე მხარეს და კონსულტაციების გაგრძელების შესაძლებლობას მოსპობდა. მე რომ ვთქვა, ეს კანდიდატია მიუღებელი, ის მისაღები და ასე შემდეგ, ეს პროცესს დააზიანებს. ამიტომ იყო კონსენსუსი, რომ ამაზე ჯერ ვერ ვისაუბრებთ. რამდენიმე დღეში შევეცდებით, რომ ერთ კონკრეტულ კანდიდატზე შევჯერდეთ“, – აცხადებს მდინარაძე.
„ქართულმა ოცნებამ“ საპარლამენტო ოპოზიციას სახალხო დამცველის საკითხზე საკუთარი პოზიცია გააცნო.