მივესალმები ევროკავშირის საბჭოს დასკვნას, რომელიც აღიარებს რეფორმების იმპლემენტაციის პროცესში საქართველოს მიერ გადადგმულ მნიშვნელოვან ნაბიჯებს, – ამის შესახებ საქართველოს საგარეო საქმეთა მინისტრი ილია დარჩიაშვილი „ტვიტერის“ პირად გვერდზე წერს.
პოსტში მინისტრი ასევე აღნიშნავს, რომ ევროკავშირში გაწევრიანების გზაზე წინსვლისთვის, საქართველო აგრძელებს ევროკომისიის მიერ განსაზღვრული პრიორიტეტების შესრულებას.
„სექტორული თანამშრომლობის გაძლიერება და ევროკავშირის შიდა ბაზარზე ინტეგრაცია მნიშვნელოვანია საქართველოს ევროკავშირში გაწევრიანებისთვის. გაფართოების პაკეტის ფარგლებში, საქართველოს პროგრესი 2023 წელს შეფასდება“, – წერს დარჩიაშვილი.
I appreciate #GAC conclusions acknowledging 🇬🇪's important steps in its reform process. 🇬🇪continues to address the Commission priorities in order to advance on EU accession path. Strengthening sectoral coop & integration into EU’s internal market benefits 🇬🇪’s EU membership goal.
— Ilia Darchiashvili (@iliadarch) December 14, 2022