როცა შენი ერის ეკლესია რამეს აღნიშნავს, რა მნიშვნელობა აქვს როდის – აუცილებლად უნდა მიულოცო, – ასე შეაფასა დეკანოზმა ალექსანდრე გალდავამ ე.წ. მდიდარი არასამთავრობო ორგანიზაციების ქმედებები, რომლებმაც ქართველ ხალხს 7 იანვარს შობის დღესასწაული არ მიულოცეს.
„ლიბერალური ღირებულებების, ევროპული ღირებულებების მომხრე თუ ხარ და მას შენ თვითონაც იცავ, რასაკვირველია მთელი შენი ერის ეკლესია როცა რამე აღნიშნავს, რა მნიშვნელობა აქვს როდის, როცა აღნიშნავს აუცილებლად უნდა მიულოცო, ეს უკულტურობაცაა, ეს გამოაჩენს იმას, რომ რაღაც მიზანმიმართული გეგმა აქვთ, რომელსაც ემსახურებიან და სამწუხაროა, რომ ეს ასე ხდება“, – აღნიშნა დეკანოზმა.
ე.წ. მდიდარმა არასამთავრობო ორგანიზაციებმა მართლმადიდებლებს 7 იანვარი, ქრისტეს შობის დღესასწაული არ მიულოცეს. ეს იმ დროს, როცა 25 დეკემბერს მათ ოფიციალურ გვერდებზე ქრისტეს შობის მისალოცი არაერთი პოსტი გამოაქვეყნეს.