ამერიკაში, კერძოდ ფილადელფიაში ახალგაზრდა ქართველი მამაკაცი, თორნიკე კვარაცხელია დაიღუპა. მას მეგობრები 11 იანვრიდან ეძებდნენ.
როგორც „ფორტუნას“ მისმა მეგობარმა განუცხადა, 35 წლის ზუგდიდელი მამაკაცი ავტოსაგზაო შემთხვევამ იმსხვერპლა.
გარდაცვლილი ბიჭის კლასელის განცხადებით, თორნიკე კვარაცხელია 1 წელია, რაც ამერიკაში იმყოფებოდა. მას მეუღლე და ორი შვილი დარჩა.
„შენთან სიკვდილი საიდან მოვიდა თორიკო? შენზე წარსულში როგორ უნდა ვილაპარაკოთ? გული, სული ყველაფერი მტკივა და მიჭირს იმ რეალობის მიღება, რომლის წინაშეც დავდექით
წახვედი და თან გაიყოლე მთელი ჩვენი ბავშვობა და უდარდელი წლები, რომელიც ასე კარგად სწორედ შენს გამო მახსენდება, სწორედ შენ ხდიდი ყველა დღეს პოზიტიურს და სახალისოს, შენ გვიფერადებდი ყველა დღეს სკოლაში
კომენტარები