ამ წუთებში დავით გარეჯის საქმეზე სასამართლო სხდომა იწყება. პროცესი ბრალდების მხარის მოწმეების გამოკითხვით გაგრძელდება.
პროცესზე დღეს ბრალდების მხარე მინისტრის ყოფილ მოადგილეს, დიპლომატ მიხეილ უკლებას გამოჰკითხავს. როგორც პროკურორმა აღნიშანა, უკლება ამ საქმის ერთ-ერთი მთავარი მოწმეა და ის ბრალდების პოზიციას დაადასტურებს.
პროკურორის თქმით, საგამოძიებო პროცესში უკლებას აქვს ჩვენება მიცემული და ის ამბობს, რომ ბრალდებულებმა ნატალია ილიჩოვამ და ივერი მელაშვილმა დანაშაული ჩაიდინეს და ამის შესახებ ინფორმაციას, როგორც თავად ბრალდების მხარე ამბობს, ერთ-ერთი მთავარი მოწმე მიხეილ უკლება დაადასტურებს. კერძოდ, პროკურორის ინფორმაციით, 90-იან წლებში ილიჩოვა-მელაშვილმა საქართველოს სასარგებლოდ დააფიქსირეს ჩვენება, თუმცა, 2005-2006 წლებში ეს პოზიცია შეცვალეს და საზიანო გადაწყვეტილება მიიღეს.
ბრალდებულების უფლებადამცველებმა კომენტარის გაკეთება არ ისურვეს და თქვეს, რომ უკლებას ჩვენებაზე მას შემდეგ ისაუბრებენ, როდესაც სასამართლო პროცესები დასრულდება. ივერი მელაშვილმა კი განაცხადა, რომ მას დანაშაული არ ჩაუდენია.