თურქეთის ხელისუფლების ინფორმაციით, ახალი წლის ღამეს სტამბოლის ღამის კლუბში ტერორისტული აქტის ჩადენაში მთავარი ეჭვმიტანილი ყირგიზეთის მოქალაქე, 28 წლის იახე მაშრაპოვია.
გავრცელდა მისი პასპორტის სურათი, რომელიც ეჭვმიტანილმა ერთი თვის წინ ქვეყნის ტერიტორიაზე შემოსვლისას გამოიყენა. მიმდინარეობს იდენტიფიცირებული პირის ძებნა.
სტამბოლში ახალი წლის ღამეს, ღამის კლუბში ტერორისტული თავდასხმა მოხდა, რასაც 39 ადამიანი ემსხვერპლა და 40 დაშავდა. დაღუპულთა შორის 19 უცხოელია. გუბერნატორის თქმით, ტერაქტში ერთი პიროვნება მონაწილეობდა, რომელიც სანტა კლაუსის ფორმაში იყო გამოწყობილი. მანამდე ეჭვი ჰქონდათ, რომ ტერაქტი ორი პირის მოწყობილი იყო. თავდასხმაზე პასუხისმგებლობა ტერორისტულმა დაჯგუფება “ისლამურმა სახელმწიფომ” აიღო.
კომენტარები