გიული ალასანიამ ამერიკულ საკონსულტაციო კომპანია „გლობალ პოინტთან“ ახალი ხელშეკრულება გააფორმა. „ქრონიკის“ მიერ მოპოვებული დოკუმენტის თანახმად, კონტრაქტი 17 იანვარს დაიდო და 16 თებერვლამდეა ძალაში. მომსახურება 20 000 დოლარი ღირს. ხელშეკრულება კომპანიის სხვადასხვა პოზიციაზე მყოფთათვის საათობრივ ანაზღაურებას მოიცავს, საათში 125-დან 400 დოლარამდე. როგორც ხელშეკრულებაში წერია, კომპანია უზრუნველყოფს კლიენტს სტრატეგიული კონსულტაციებით, მედიასთან ურთიერთობით და წვდომით. დოკუმენტს კლიენტის მხრიდან ხელს აწერს გიული ალასანია, მიხეილ სააკაშვილის სახელით.
პირველი ხელშეკრულება „გლობალ პოინტთან“ სააკაშვილის დედამ ნოემბერში გააფორმა.
კომენტარები