უკრაინამ და რუსეთმა სამხედრო ტყვეები 101-101-ის პრინციპით გაცვალეს. უკრაინის პრეზიდენტის აპარატის უფროსის, ანდრეი ერმაკის ინფორმაციით, მათგან 63 აზოვსტალის მცველია.
“ჩვენ ვაგრძელებთ უკრაინელების ტყვეობიდან დაბრუნებას. დღეს ჩვენი 100 ჯარისკაცი და 1 მშვიდობიანი მოქალაქე მიდის სახლში. გათავისუფლებულ ჯარისკაცებს შორის არიან ეროვნული გვარდიელები, მესაზღვრეები და უკრაინის შეიარაღებული ძალების ჯარისკაცები. მათგან 94 დამცველია. მარიუპოლის, მათ შორის 63 “აზოვსტალელი” ჯარისკაცი, ახლობლები დიდხანს ელოდნენ. ბევრმა გმირმა მიიღო სხვადასხვა სიმძიმის დაზიანებები. ჩვენ ვაგრძელებთ მუშაობას გუნდისა და სამხედრო ტყვეების მოპყრობის საკოორდინაციო შტაბის წყალობით. ყველას სახლში მოვიყვანთ”, – წერს ერმაკი.
ასევე, რუსეთმაც 101 სამხედრო დაიბრუნა, თუმცა ამტკიცებს, რომ უკრაინის მიერ გადაცემული ტყვეები “სიკვდილის პირას” იყვნენ და ისინი სამკურნალოდ მოსკოვში უკვე გადაიყვანეს.