გერმანიაში ამერიკული ჯავშანტექნიკა ჩავიდა, რომელიც პოლონეთსა და ბალტიის ქვეყნებში განთავსდება

„ბი ბი სი“ -ს ინფორმაციით, გერმანიის პორტ ბრემერჰაფენში შეერთებული შტატებიდან ჯავშანტექნიკა ჩაიტანეს. ასობით ტანკი, თვითმავალი საარტილერიო დანადგარი და სხვა ტექნიკა გერმანიაში გემებით ჩავიდა.
როგორც ჟურნალისტები იუწყებიან, ეს შეიარაღების ყველაზე დიდი პარტიაა, რაც ამერიკას ევროპაში „ცივი ომის“ დასრულების შემდეგ გაუგზავნია.  უახლოეს დღეებში სამხედრო ტექნიკას რკინიგზით პოლონეთსა და ბალტიის ქვეყნებში ჩაიტანენ.
გერმანიაში კოლორადოს შტატის ბაზიდან, ფორტ–კარსონიდან 3 500 ამერიკელი სამხედრო მოსამსახურე ჩავა.  აშშ, დიდი ბრიტანეთი, გერმანია და კანადა მიმდინარე წელს პოლონეთსა და ბალტიის სამ ქვეყანაში, საერთო ჯამში, 4000 სამხედრო გააგზავნის.
აღმოსავლეთ ევროპაში ნატოს ძალების განთავსება ჩრდილოატლანტიკური ალიანსის პროგრამის ნაწილია, რუსეთის მხრიდან შესაძლო აგრესიის შესაჩერებლად.
რუსეთის მისი საზღვრების სიახლოვეს ნატოს ძალების განთავსების წინააღმდეგ გამოდის, ამასთანავე, მოსკოვი დასავლეთ საზღვრებთან საკუთრ შეიარაღებულ დაჯგუფებას ეტაპობრივად ზრდის.