რასაც რუსეთი უკრაინაში აკეთებს გვაჩვენებს, რომ ნეიტრალიტეტი ვერ დაგვიცავს. ნეიტრალიტეტი მუშაობს, როდესაც მას ქვეყნები პატივს სცემენ, – ამის შესახებ მოლდოვის პრეზიდენტმა, მაია სანდუმ განაცხადა.
„დღეს, მოლდოვაში არ არის საკმარისი მხარდაჭერა, რათა ნეიტრალიტეტი შეიცვალოს. ჩვენ ეს ვიცით და ამას ვითვალისწინებთ. შეგვიძლია ვიმსჯელოთ იმაზე, თუ რა არის ამის მიზეზი და რუსული პროპაგანდა დიდწილად მიზეზია. მაგალითად, დღესდღეობით რუსეთის პროპაგანდის ერთ-ერთი ხაზია, რომ ნეიტრალიტეტის დროს ქვეყანას თავდაცვის სექტორი არ უნდა გააძლიეროს.
მოლდოვაში განიცდიან უკრაინის ომს და ბევრზე ზემოხსენებული ეს რუსულ პროპაგანდა იყიდება. ამიტომ არის მნიშვნელოვანი რუსულ პროპაგანდასთან ბრძოლა. ამ ეტაპზე მოლდოვა ნეიტრალიტეტის შეცვლას არ აპირებს, მაგრამ მოლდოვას პარტნიორები უნდა დაეხმარონ თავდაცვისუნარიანობის გაძლიერებაში და მოლდოვა უნდა იყოს საერთო ევროპული უსაფრთხოების არქიტექტურის ნაწილი“, – აღნიშნა მოლდოვის პრეზიდენტმა.