ასზე მეტი წლის წინ ესტონეთის ჯარები მამაცურად იბრძოდნენ თავისუფლებისა და დამოუკიდებლობისთვის. დამოუკიდებლობა ხანმოკლე იყო, მაგრამ ესტონელი ხალხი არასოდეს დანებდა. ესტონეთმა რკინის ფარდის დაცემით დაიბრუნა თავისუფლება. თქვენი ისტორია არის ძლიერი შეხსენება, რომ ჩვენ არ შეგვიძლია ჩვენი თავისუფლება მივიღოთ, როგორც მოცემულობა. თავისუფლებისთვის ვიხდით ფასს და თავისუფლებისთვის ყოველდღე უნდა ვიბრძოლოთ, – ამის შესახებ ესტონეთში ვიზით მყოფმა ნატოს გენერალურმა მდივანმა განაცხადა.
მისივე თქმით, დღეს უკრაინელი ხალხი გაბედულად იბრძვის თავისუფლებისთვის. და მიუხედავად სასოწარკვეთისა და განადგურების ბნელი წლისა, მათი მონდომება და გამბედაობა აუცილებლად გაიმარჯვებს.
„ერთი წლის წინ პრეზიდენტმა პუტინმა უკრაინაში სრულმასშტაბიანი ომი დაიწყო. ეს არის უკანონო და აგრესიის ომი. ომი , სადაც დაირღვა საერთაშორისო სამართლის წესები. პუტინს სურდა უკრაინელი ხალხის და მათი ნების გატეხვა. პუტინს სურდა ჩვენი ერთიანობის დარღვევა.
პრეზიდენტმა პუტინმა ვერცერთი ვერ შეძლო. უკრაინა დგას მტკიცედ. ნატო და ევროკავშირი უკრაინის გვერდით დგას და იქნება უკრაინასთან ერთად ბოლომდე.
პუტინი არ თმობს თავის მიზნებს. მას სხვა ევროპა სურს. მას სურს ისეთი ევროპა, სადაც რუსეთს შეუძლია უკარნახოს, თუ რა გააკეთონ მეზობლებმა. პუტინი არ ემზადება მშვიდობისთვის. პუტინი უფრო მეტი ომისთვის ემზადება.
ამიტომ, ჩვენ უნდა მივცეთ უკრაინას ის, რაც მათ სჭირდებათ გამარჯვებისთვის.
ზოგი შიშობს, რომ ჩვენი მხარდაჭერა უკრაინისადმი ესკალაციის რისკს ზრდის. მე მინდა განვაცხადო, რომ ყველაზე დიდი რისკია, თუ ომში პრეზიდენტი პუტინი გაიმარჯვებს. ეს იქნება გზავნილი სხვა ავტორიტარული ლიდერებისთვის, რომ მათ შეუძლიათ გამოიყენონ ძალა იმისათვის, რომ მიიღონ ის, რაც სურთ. ეს მსოფლიოს უფრო სახიფათო გახდის. ჩვენ კი უფრო დაუცველები ვიქნებით.
ასე რომ, უკრაინის მხარდაჭერა მხოლოდ მორალურად არ არის სწორი – ეს ასევე ჩვენი უსაფრთხოების ინტერესებშია. სწორედ ამიტომ ნატოს მოკავშირეები უპრეცედენტო მხარდაჭერას უწევენ უკრაინას.
ნატო ევროკავშირთან ხელიხელჩაკიდებული მუშაობს. 2014 წლიდან ჩვენ მნიშვნელოვნად გავაძლიერეთ ჩვენი ყოფნა და მზადყოფნა. შავიდან ბალტიის ზღვამდე და მათ შორის ესტონეთშიც. ნატოს მრავალეროვნული საბრძოლო ჯგუფი გაერთიანებული სამეფოს ხელმძღვანელობით, აგრესიას აფერხებს. მებრძოლები საფრანგეთი და გერმანია გვეხმარებიან მოკავშირეების ცის დაცვაში და NASAMS ესპანეთიდან გაზრდის თქვენს საჰაერო თავდაცვას.
ეს ყველაფერი მოსკოვს მკაფიო გზავნილს უგზავნის. ნატო იცავს და დაიცავს ესტონეთს და და მოკავშირეთა ტერიტორიის თითოეულ სანტიმეტრს. ჩვენი მეხუთე მუხლის მიმართ ვალდებულება ნიშნავს- ყველა ერთისთვის და ერთი ყველასთვის.
და ჩვენს ვილნიუსის სამიტზე ივლისში,გადავდგამთ შემდგომ ნაბიჯებს ჩვენი კოლექტიური თავდაცვის გასაძლიერებლად.
ჩვენ ასევე ვხედავთ პროგრესს ფინეთისა და შვედეთის ისტორიულ გაწევრიანების გზაზე. 30 მოკავშირიდან 28-მა უკვე მოახდინა გაწევრიანების ოქმის რატიფიცირება.
მე ვესაუბრე ამ საკითხზე პრეზიდენტ ერდოღანს გასულ კვირას ანკარაში. ჩვენ შევთანხმდით მოლაპარაკებების განახლებაზე და ფინეთის,შვედეთისა და თურქეთს შორის სამმხრივი შეხვედრის მოწვევაზე ნატოს შტაბ-ბინაში მარტში. განვიხილავთ გასული წლის ივნისში გაფორმებული შეთანხმების იმპლემენტაციას და გაწევრიანების პროცესის დასრულებას.კარგია, რომ უნგრეთის პარლამენტი მომავალ კვირას დაიწყებს რატიფიკაციის პროცესს.
ჩვენი მიზანია, როგორც ფინეთი, ასევე შვედეთი შეუერთდნენ ორგანიზაციას რაც შეიძლება მალე. ეს გააძლიერებს მათ უსაფრთხოებას. ეს გააძლიერებს ევროპის უსაფრთხოებას და ეს გააძლიერებს ნატოს“, – განაცხადა სტოლტენბერგმა.