საქართველოს ბერძნულ-რომაული სტილით მოჭიდავეთა ნაკრებმა ეგვიპტის ქალაქ ალექსანდრიაში მიმდინარე საერთაშორისო ტურნირზე სამი ოქროს, ოთხი ვერცხლისა და ორი ბრინჯაოს მედალი მოიპოვა, – ამის შესახებ ინფორმაციას საქართველოს კულტურის, სპორტისა და ახალგაზრდობის სამინისტრო ავრცელებს.
მათი ინფორმაციით, ტურნირის ჩემპიონები რამაზ ზოიძე (72 კგ), გელა ბოლქვაძე (82 კგ) და ლაშა გობაძე (87 კგ) გახდნენ. ვერცხლის მედლებს ლერი აბულაძე (63 კგ), ჯონი ხეცურიანი (67 კგ), რობერტ კობლიაშვილი (97 კგ) და ოთარ აბულაძე (72 კგ) დაეუფლნენ, ბრინჯაოსმედალოსნები კი ზვიად პატარიძე (130 კგ) და გურამ ხეცურიანი ( 67 კგ) გახდნენ.
აღსანიშნავია, რომ 72 კილოგრამი წონითი კატეგორიის ფინალში ერთმანეთს ქართველი მოჭიდავეები – რამაზ ზოიძე და ოთარ აბულაძე შეხვდნენ. ოქროს მედლისათვის ასპარეზობაში რამაზ ზოიძემ 6:0 იმარჯვა.