უკრაინაში რუსეთის სრულმასშტაბიანი ომის განმავლობაში ბელგიამ საერთო ჯამში 58 მილიარდი ევროს ღირებულების რუსული აქტივები გაყინა. ეს ყველაზე დიდი თანხაა ევროკავშირის წევრ ქვეყნებს შორის. ინფორმაციას ბელგიის ფინანსთა მინისტრი ავრცელებს.
როგორც ვინსენ ვან პეტეგემი აღნიშნავს, გაყინულ აქტივებთან ერთად დაბლოკილია რუსული ფინანსური ტრანზაქციების 191 მილიარდი ევრო.
“ეს ზომები ეხება 1 789 რუსულ კომპანიას და სანქციების სიაში შეყვანილ მოქალაქეს”, – ნათქვამია მინისტრის განცხადებაში.
შეგახსენებთ, რომ 2022 წლის აგვისტოს ბელგიამ გაყინა 50,5 მილიარდი ევროს ღირებულების რუსული აქტივები, რომლებიც ეკუთვნოდა დასანქცირებულ ადამიანებს, კომპანიებსა და სხვა იურიდიულ პირებს.
კომენტარები