გერმანიაში ვიზიტით მყოფმა ისრაელის საგარეო საქმეთა მინისტრმა, ელი კოენმა განაცხადა, რომ ისრაელი გმობს რუსეთის აგრესიას, თუმცა ხაზი გაუსვა იერუსალიმის უნიკალურ პოზიციას.
„ჩვენ არ ვგავართ თქვენს ქვეყანას [გერმანიას]. რუსეთი მნიშვნელოვანი მოთამაშეა ჩვენს რეგიონში, ასევე სირიაში. ვფიქრობ, რომ ყველა ასპექტში მაქსიმუმს ვაკეთებთ“, – აღნიშნა ისრაელის საგარეო უწყების ხელმძღვანელმა.
კოენმა ასევე გაიხსენა მისი ვიზიტი კიევში. მისი თქმით, ეს იყო ისრაელის მაღალჩინოსნის პირველი ვიზიტი უკრაინაში რუსეთის სრულმასშტაბური შეჭრის დაწყების შემდეგ.
კომენტარები