წყალბურთელთა გუნდი „დინამო თბილისი“ ჩემპიონთა ლიგის მე-9 ტურის მატჩში გერმანულ „ვასპო ჰანოვერს“ დაუპირისპირდა და დაძაბულ ბრძოლაში ანგარიშით 10:8 დაამარცხა, – ამის საქართველოს კულტურის, სპორტისა და ახალგაზრდობის სამინისტრო ავრცელებს.
მათივე ინფორმაციით, „დინამოს“ მოთამაშეთაგან თავის გამოჩენა ხუთმა წყალბურთელმა მოახერხა. სამ-სამი ბურთის გატანა შეძლეს სტეფან პიეშივაცმა და ბესო ახვლედიანმა. ორი გოლი საბა ტყეშელაშვილის ანგარიშზეა, ხოლო თითოჯერ თავი მაქსიმ მალიშევმა და გიორგი მაგრაქველიძემ გამოიჩინეს.
აღსანიშნავია, რომ „დინამომ“ მიმდინარე ჩემპიონთა ლიგაზე პირველი მატჩი მოიგო.
კომენტარები