„ომის შესწავლის ინსტიტუტის“ (ISW) ანალიტიკოსების პროგნოზით, დიდი ალბათობით, უკრაინული ჯარი ბახმუტიდან კონტროლირებადი გასვლისთვის პირობებს ამზადებს.
ორგანიზაციაში აღნიშნავენ, რომ ბახმუტისთვის ბრძოლები 2022 წლის მაისში დაიწყო. 3 მარტს გამოქვეყნებული გეოლოკაციური კადრებით დასტურდება, რომ უკრაინელმა სამხედროებმა ბახმუტის მახლობლად ორი კრიტიკულად მნიშვნელოვანი ხიდი ააფეთქეს – ერთი მდინარე ბახმუტოვკაზე, ქალაქის ჩრდილო-აღმოსავლეთში, ხოლო მეორე ხრომოვო-ბახმუტის გზასთან, ქალაქის დასავლეთში.
„ხიდების პრევენციული აფეთქება, სავარაუდოდ, მიუთითებს იმაზე, რომ უკრაინული ჯარი შესაძლოა ცდილობდეს, ხელი შეუშალოს აღმოსავლეთ ბახმუტის რუსე სამხედროების გადაადგილებას და შეზღუდოს ბახმუტიდან დასავლეთის მიმართულებით გასვლის პოტენციური გზები“, – აღნიშნულია ანგარიშში.
კომენტარები