ერთ-ერთ მნიშვნელოვან სპორტულ მოვლენამდე 100 დღე დარჩა – საქართველო და რუმინეთი 21 ივნისიდან „უეფას“ 21 წლამდელთა საფეხბურთო ნაკრებების ევროპის ჩემპიონატს უმასპინძლებს.
თბილისისა და ქუთაისი მსგავსად ტურნირში ბათუმიც ჩაერთვება, თუმცა მომხდარი ტრაგედიის გამო 21 წლამდელთა ჩემპიონატისადმი მიძღვნილი ღონისძიება აჭარის დედაქალაქში გაუქმდა.
თბილისის მერიის ინფორმაციით, საზეიმო ღონისძიებები გაიმართა და უკუთვლის საათები უკვე ჩაირთო, რომლებიც თბილისში – პირველი რესპუბლიკის მოედანზე, ქუთაისში – ვერიკო ანჯაფარიძის სკვერის მიმდებარედ, ხოლო ბათუმში ცენტრალური ბულვარის შესასვლელში განთავსდა.
თბილისში მიმდინარე ღონისძიება დედაქალაქის მერმა კახა კალაძე გახსნა და შეკრებილ საზოგადოებას სიტყვით მიმართა.
ღონისძიებაში მონაწილეობდნენ საქართველოს ფეხბურთს ფედერაციის პრეზიდენტი ლევან კობიაშვილი, ვეტერანი და ახალგაზრდა ფეხბურთელები და ჩემპიონატის პარტნიორი კომპანიების წარმომადგენლები.
21-წლამდელთა საფეხბურთო ნაკრებების ევროპის ჩემპიონატი 21 ივნისიდან 8 ივლისის ჩათვლით შედგება. საქართველოს ახალგაზრდული ნაკრები ჩემპიონატზე პირველად ითამაშებს და A ჯგუფში პორტუგალიის, ნიდერლანდებისა და ბელგიის ნაკრებებს დაუპირისპირდება. საქართველოს 21-წლამდე ნაკრების ჯგუფური ეტაპის ყველა თამაში დინამო არენაზე გაიმართება.