ჯანმო-ს გენერალური დირექტორი, ტედროს ადანომ გებრეისუსი დარწმუნებულია, რომ COVID-19-ის პანდემიის დასასრული წელს გამოცხადდება.
ამის შესახებ მან სპეციალური ცერემონიის დროს თქვა, რომელზეც მას ჯანდაცვის სფეროში შეტანილი წვლილისთვის ჯილდო გადასცეს.
გებრეისუსმა თქვა, რომ 11 მარტს ზუსტად სამი წელი შესრულდა მას შემდეგ, რაც ორგანიზაციამ COVID-19 გლობალურ პანდემიად გამოაცხადა.
მისი თქმით, სამი წლის თავზე ვირუსით გარდაცვლილად თითქმის 7 მილიონი ადამიანია გამოცხადებული, თუმცა, “ყველამ ვიცით, რომ რიცხვი გაცილებით მაღალია”.
ამავდროულად, ექსპერტი ამბობს, რომ კაცობრიობა ამჟამად ბევრად უკეთეს მდგომარეობაში იმყოფება, ვიდრე ოდესმე და ”დარწმუნებული ვარ, რომ წელს, რაღაც მომენტში, ჩვენ შევძლებთ ვთქვათ, რომ COVID-19 დასრულდა, როგორც პანდემია”.
გებრეისუსი ამბობს, რომ ამჟამად მნიშვნელოვანია გაკვეთილების გამოტანა და მათგან სამი გამოყო: საზოგადოებრივი ჯანდაცვის მნიშვნელობა, მეცნიერების მნიშვნელობა და თანამშრომლობის მნიშვნელობა.