პოლონეთში დააკავეს რუსეთის სპეცსამსახურების სასარგებლოდ მოქმედი ექვსი ჯაშუში, რომლებიც რკინიგზაზე სათვალთვალო კამერებს ამონტაჟებდნენ. ამის შესახებ „ბიბისი“ წერს.
საუბარია სარკინიგზო ხაზებზე, რომელიც ჟეშუვის აეროპორტის რაიონში მდებარეობს და უკრაინაში სამხედრო ტვირთების მისაწოდებლად ერთ-ერთ მნიშვნელოვან კვანძს წარმოადგენს.
თავად ჟეშუვის აეროპორტი ამერიკული „პეტრიოტის“ სისტემებით არის დაცული.
ადგილობრივი რადიოს ცნობით, აღნიშნული პირები აღმოსავლეთ ევროპის სხვადასხვა ქვეყნის მოქალაქეები არიან.
კომენტარები