ლატვიის პრემიერმინისტრი კრიშიანის კარინშსი კიევში ჩავიდა – ლატვიური მედიის ცნობით, დღეს, 16 მარტს, კიევში ოფიციალური ვიზიტის დროს, პრემიერმინისტრი შეხვდება უმაღლესი თანამდებობის პირებს.
კერძოდ, დაგეგმილია შეხვედრა უკრაინის პრეზიდენტ ვლადიმირ ზელენსკისთან, უმაღლესი რადას სპიკერ, რუსლან სტეფანჩუკსა და უკრაინის პრემიერ მინისტრ დენის შმიგალთან. მხარეები განიხილავენ რუსეთის აგრესიის წინააღმდეგ ბრძოლაში უკრაინისთვის შემდგომი მხარდაჭერისთვის საჭირო ნაბიჯებს, ასევე, უკრაინის ინტეგრაციის გზებს ევროკავშირსა და ნატოში.
როგორ ლატვიური მედია წერს, პრემიერ-მინისტრის ვიზიტი ლატვიის მთავრობისა და საზოგადოების ურყევი მხარდაჭერის დადასტურებაა უკრაინის რუსული აგრესიისა და საომარი მოქმედებების წინააღმდეგ ბრძოლაში.
აღსანიშნავია, რომ უკრანის შს მინისტრის მრჩეველმა ოლექსეი გერაშენკომ “ტელეგრამის” არხში გაავრცელა ლატვიის პრემიერის უკრაინაში ვიზიტის ფოტო, რომელიც მატარებლის სადგურზეა გადაღებული. გერაშენკოს ცნობით, ლატვიის მთავრობის მეთაურმა თქვა: “უკრაინის გამარჯვებას გადამწყვეტი მნიშვნელობა აქვს თავისუფალი ევროპისთვის”.