ქართული რაგბი იქნება და არის დაკავშირებული ბიძინა ივანიშვილთან. ის არჩეულია მუდმივ, უკვდავ პარტნიორად ქართული რაგბის, მისი ქველმოქმედებისთვის, – ამის შესახებ რაგბის კავშირის პრეზიდენტმა, სოსო ტყემალაძემ „ქრონიკის“ პირდაპირ ეთერში ისაუბრა.
„ჩვენ ხმამაღლა ვამბობთ, რომ ქართული რაგბი იქნება და არის დაკავშირებული ბიძინა ივანიშვილთან და ეს ცალსახაა. ის კონტრიბუცია, რაც ამ ადამიანმა გააკეთა ქველმოქმედების სახით, არავის გაუკეთებია მსოფლიო სპორტში, არა თუ რაგბიში. მთავრობა, რომელიც ეხმარება ქართულ რაგბის და თუკი რამე შეიძლება მაქსიმუმს აკეთებს, ეს არის ფაქტი და აღვნიშნავ, რამეს თუ არ გააკეთებენ, იმასაც ვიტყვი და ამასაც, მაგრამ ყველაფერს აკეთებენ. ეს ვიღაცებს არ სიამოვნებთ. ამ ყველაფერმა მოიტანა შედეგები და უნდათ ამ ინსტიტუტს შეეხონ. რაღაც პეტიციებს მიმართავენ და ა.შ. არ არსებობს ასეთი იურიდიული გზა და თუ პეტიცია იქნება, მე გამოვაცხადებ პეტიციას, ჩვენს ფეისბუქ გვერდზე, სადაც კომენტარებს წერენ, ზუსტად გავარკვევ სათითაოდ ვინ არიან და მათვე ამ პეტიციის შემდეგ გავცემ პასუხს, თუ რა არის ჩვენი ქვეყნის ღალატი. თუ რაგბი არ გიყვარს, ეს ნიშნავს, რომ ჩვენი ქვეყანა არ გიყვარს. თუ ჩემ კომენტარებში მე ვაჭარბებ და ვამბობ რაიმე პოლიტიკურს, ან რომელიმე მხარეს ვაფიქსირებ ისე, რომ არ მაქვს მე ეს საფუძველი, როდესაც ვამბობ, რომ ბიძინა ივანიშვილი არის და იქნება ქართულ რაგბიში და ის არჩეულია მუდმივ, უკვდავ პარტნიორად ქართული რაგბის, მისი ქველმოქმედებისთვის, ამას ვერავინ ვერ ასცდება. ისევე როგორც, სანამ საქართველოს მთავრობა აკეთებს სპორტისთვის და რაგბისთვის კარგ ნაბიჯებს, ის იქნება ჩვენგან აღიარებული. მე ვერ დავმალავ იმ სიმართლეს, რაც არის“,- განაცხადა ტყემალაძემ.