Disney სამსახურიდან 7,000 თანამშრომლის ეტაპობრივ გათავისუფლებას იწყებს. პროცესი მომდევნო კვირების განმავლობაში გაგრძელდება.
კომპანიის აღმასრულებელი დირექტორის, ბობ აიგერის განცხადებით, არადამაკმაყოფილებელი კვარტალური შედეგების ფონზე, Disney რესტრუქტურიზაციის ახალ სტრატეგიაზე გადადის, რომელიც ხარჯების 5.5 მილიარდი დოლარით შემცირებას მოიაზრებს.
ხარჯები შემცირდება როგორც სტრიმინგ-პლატფორმის, ასევე სატელევიზიო ქსელების – ESPN-ისა და Plus-ის მიმართულებით.
7,000 თანამშრომელი Disney-ს გლობალური სამუშაო ძალის მხოლოდ 3%-ია. აღსანიშნავია, რომ ხარჯების შემცირების სიახლე ინვესტორებმა პოზიტიურად მიიღეს, ამბის გავრცელებიდან რამდენიმე საათში ბირჟაზე კომპანიის აქციების ღირებულება 1.5%-ით გაიზარდა.
კომენტარები