ისრაელში სასამართლო რეფორმის დროებით შეჩერების მიუხედავად, საპროტესტო აქციები გრძელდება.
დემონსტრანტები თელ-ავივის, იერუსალიმისა და სხვა ქალაქების ქუჩებში გამოვიდნენ და პრემიერ-მინისტრ ბენიამინ ნეთანიჰუს მიერ ინიცირებული სადავო რეფორმა გააპროტესტეს.
აქციის მონაწილეების თქმით, ისინი ისრაელის დემოკრატიას იცავენ. აქციების დროს ადგილი ჰქონდა პოლიციასთან შეტაკებებსაც. დაკავებულია რამდენიმე დემონსტრანტი.
თელ-ავივში აქტივისტების წინააღმდეგ გამოიყენეს წყლის ჭავლი. აქციის ორგანიზატორების ცნობით, ისრაელის ქალაქებში გამართულ მიტინგებში, საერთო ჯამში, 450 000 ადამიანი მონაწილეობდა.
შეგახსენებთ, ოპოზიცია ამტკიცებს, რომ მთავრობის მიერ ინიცირებული რეფორმა ისრაელში სასამართლოს დამოუკიდებლობას უქმნის საფრთხეს. ისინი რეფორმის გაუქმებას ითხოვენ.
კომენტარები