უკრაინის პრეზიდენტმა ვოლოდიმირ ზელესკიმ ყოველდღიურ ვიდეომიმართვაში განაცხადა, რომ ყოველ ჯერზე, როდესაც იარაღის მიწოდება ყოვნდება, უკრაინელი სამხედროები ამისთვის საკუთარი სიცოცხლით იხდიან.
აგრესორმა უნდა წააგოს და ეს ჩვენი და ჩვენი პარტნიორების ერთობლივი პასუხისმგებლობაა – ვოლოდიმირ ზელენსკი
ვოლოდიმირ ზელენსკიმ “რამშტეინის” მორიგი შეხვედრისთვის მზადებაზე ისაუბრა და აღნიშნა, რომ აგრესორმა უნდა წააგოს და ეს პარტნიორებთან, მათი ერთობლივი პასუხისმგებლობაა.
“დღე უმაღლესი მთავარსარდალთა შტაბის შეხვედრით დაიწყო. მრავალი თემა განვიხილეთ, რას მივაღწიეთ და რას გვჭირდება რომ მივაღწიოთ. ვემზადებით კიდევ ერთი “რამშტეინის” შეხვედრისთვის. ველით მყარ, დასაბუთებულ გადაწყვეტილებებს, რომლებიც ბრძოლის ველზე არსებულ პერსპექტივებს დააკმაყოფილებს. საკმაოდ ამბიციურ პერსპექტივებს, რომლებსაც მთელი ძალით ვუახლოვდებით. ვუახლოვდებით არა მხოლოდ საკუთარი თავისთვის, არა მხოლოდ უკრაინისთვის, არამედ მთელი ჩვენი ომის საწინააღმდეგო კოალიციისთვის.
ხელი მოვაწერე სახელმწიფო ჯილდოებით უკრაინის შეიარაღებული ძალების 127 მებრძოლის დაჯილდოებას, მათგან 68 – სიკვდილის შემდგომ დაჯილდოვდა. ყოველ ჯერზე, როდესაც გვესმის, რომ დაპირებული იარაღის მიწოდება ყოვნდება, ყოველ ჯერზე, როდესაც ჩნდება ეჭვები უკრაინისთვის იარაღის ტიპზე მოქმედების მანძილზე ან სხვა ხარისხობრივ მახასიათებელზე, ეს ნიშნავს, რომ უკრაინელი მეომრები თავის სიცოცხლეს სწირავენ, რათა გვქონდეს ეს დრო, რომელიც იხარჯება დარწმუნებაზე, რომ საბოლოოდ საჭირო იარაღის მოწოდება მოხდეს.
აგრესორმა უნდა წააგოს და ეს ჩვენი და ჩვენი პარტნიორების ერთობლივი პასუხისმგებლობაა. ვიყოთ მაქსიმალურად აქტიური იარაღისა და საბრძოლო მასალის მიწოდებაში, რათა ჩვენი ერთობლივი გამარჯვება დავაჩქაროთ”, – განაცხადა პრეზიდენტმა.