აშშ-ის დიპლომატიურ ავტოკოლონას სუდანში ცეცხლი გაუხსნეს, თუმცა არავინ დაშავებულა. როგორც BBC წერს, ამის შესახებ აშშ-ის სახელმწიფო მდივანმა, ენტონი ბლინკენმა განაცხადა.
მან თავდასხმას „უგუნური, უპასუხისმგებლო და საფრთხის შემცველი“ უწოდა და თქვა, რომ მიმდინარეობს გამოძიება.
მანამდე ცნობილი გახდა, რომ სუდანში ევროკავშირის ელჩს საკუთარ რეზიდენციაში თავს დაესხნენ.
ბოლო მონაცემებით, სუდანში შეტაკებებს სულ მცირე 185 ადამიანი ემსხვერპლა, 1800-ზე მეტი კი დაიჭრა. არეულობა ქვეყანაში, რამდენიმეთვიანი დაძაბულობის შემდეგ, სამი დღის წინ დაიწყო. დაპირისპირების მიზეზი ქვეყნის სამოქალაქო მმართველობასთან დაკავშირებით შეუთანხმებლობა. ქვეყნის არმია და იქ მოქმედი გასამხედროებული დაჯგუფება ვერ თანხმდებიან, თუ როგორ უნდა გადავიდეს ქვეყანა სამოქალაქო მმართველობაზე.
კომენტარები