ექსპერტი სამხედრო-პოლიტიკურ და უსაფრთხოების საკითხებში, ამირან სალუქვაძე, „ნაციონალური მოძრაობის“ ყოფილი წევრის, გია ნოდიას იმ განცხადებას ეხმაურება, რომელშიც ის დავით კეზერაშვილის ირგვლივ განვითარებულ მოვლენებს აფასებს.
სალუქვაძის თქმით, ნოდიამ, აღნიშნული განცხადებით, დავით კეზერაშვილი, რომელიც „ბიბისის“ ჟურნალისტური გამოძიების მასალების მიხედვით, ევროპელი პენსიონერების ძარცვის სქემის ორგანიზატორად არის დასახელებული, დაიცვა, ვინაიდან განაცხადა, რომ მისთვის დონორის რეპუტაციას მნიშვნელობა არ აქვს, როდესაც ფული კარგი საქმისთვის სჭირდება.
„კეზერაშვილს გადაეფარა. „ნაცმოძრაობის“ ერთ-ერთი იდეოლოგი, განათლების ყოფილი მინისტრი კითხვას სვამს, თუ ფული კარგი საქმისთვის გინდა, მხოლოდ შეუბღალავი რეპუტაციის დონორისგან უნდა აიღოო? თავადვე პასუხობს, ეს არარეალისტურიაო. მაგიტომ დაგიწერეთ შარშან, შეგიძლიათ პაბლო ესკობარსაც მიადგეთ მეთქი“, – წერს ამირან სალუქვაძე Facebook-ზე.
