აშშ-ის თავდაცვის მდივანმა, ლოიდ ოსტინმა განაცხადა, რომ ის დარწმუნებულია, რომ შვედეთი ნატოს ივლისისთვის შეუერთდება. ინფორმაციას ამის შესახებ ტელეკომპანია CNN-ი ავრცელებს.
პენტაგონის ხელმძღვანელმა აღნიშნა, რომ მას სჯერა, რომ შვედეთის ალიანსში გაწევრიანებასთან დაკავშირებული სიტუაცია მალე მოგვარდება.
„დარწმუნებული ვარ, რომ ეს ქვეყნები [თურქეთი და უნგრეთი] მიიღებენ ამ გადაწყვეტილებას. დარწმუნებული ვარ, რომ ისინი ამ გადაწყვეტილებას ივლისამდე მიიღებენ“, – აღნიშნა ლოიდ ოსტინმა.
4 აპრილს, აშშ-ის სახელმწიფო მდივანმა, ენტონი ბლინკენმა თურქეთსა და უნგრეთს მოუწოდა, დაუყოვნებლივ დაამტკიცონ ნატოში გაწევრიანების შესახებ შვედეთის განაცხადი.
კომენტარები