სამხრეთ კორეის პრეზიდენტმა, იუნ სოკ იოლმა უკრაინისთვის სამხედრო დახმარების გაწევის შესაძლებლობა დაუშვა.
საინფორმაციო სააგენტო Reuters-თან ინტერვიუში სამხრეთ კორეის პრეზიდენტმა აღნიშნა, რომ მისი მთავრობა სწავლობს, როგორ დაეხმაროს უკრაინას თავდაცვასა და აღდგენაში.
„თუ იქნება ისეთი სიტუაცია, რომელსაც საერთაშორისო საზოგადოება ვერ დაუშვებს, როგორიცაა ნებისმიერი ფართომასშტაბური თავდასხმა მშვიდობიან მოსახლეობაზე, ხოცვა-ჟლეტა ან ომის კანონების სერიოზული დარღვევა, შეიძლება, გაგვიჭირდეს მხოლოდ ჰუმანიტარულ ან ფინანსურ მხარდაჭერაზე შეჩერება“, – განაცხადა იუნ სოკ იოლმა.
კომენტარები