სუდანის დედაქალაქიდან მოსახლეობა საკუთარი ძალებით ცდილობს გაქცევას.
როგორც „ბიბისი“ წერს, ხართუმში საკვების, წყლისა და მედიკამენტების დეფიციტია.
სუდანში ხუთი დღეა, ქვეყნის არმიასა და გასამხედროებულ დაჯგუფება „სწრაფი მხარდაჭერის ძალებს“ შორის შეტაკებები მიმდინარეობს. ბოლო მონაცემებით, დაღუპულია, სულ მცირე, 200 ადამიანი, დაშავებულთა რიცხვი კი 2 000-ს აღემატება.
დაპირისპირებული მხარეები შეთანხმდნენ 24 საათის განმავლობაში ცეცხლის შეწყვეტაზე, თუმცა ჯერჯერობით ცეცხლი არცერთ მხარეს არ შეუწყვეტია.
შეტაკებები გასამხედროებული დაჯგუფების, „სწრაფი მხარდაჭერის ძალების“ ქვეყნის არმიაში გაერთიანების საკითხზე არსებული უთანხმოების გამო დაიწყო.
კომენტარები