უკრაინის პარლამენტის თავმჯდომარე, რუსლან სტეფანჩუკი მიიჩნევს, რომ ახლა საპარლამენტო არჩევნების დრო არ არის, რადგან კანონის თანახმად, საპარლამენტო არჩევნები არ შეიძლება ჩატარდეს საომარი მდგომარეობის დროს.
„ვფიქრობ, რომ არჩევნები საომარი მდგომარეობის დასრულებისთანავე ჩატარდება, წინააღმდეგ შემთხვევაში, კანონი უნდა შეიცვალოს, მაგრამ, კიდევ ერთხელ, ძალიან მეეჭვება, რომ ახლა შესაძლებელი იყოს უკრაინაში მაღალი ხარისხის, კანონიერი არჩევნების ჩატარება, რომლის შედეგებს საზოგადოება ენდობა. არის უფრო მნიშვნელოვანი საკითხები, რაზეც ახლა უნდა გავამახვილოთ ყურადღება. ეს ნამდვილად არ არის საარჩევნო საკითხი“, – აღნიშნა უკრაინის პარლამენტის თავმჯდომარემ.
უკრაინის კონსტიტუციის თანახმად, საპარლამენტო არჩევნები უკრაინის პარლამენტის უფლებამოსილების ვადის მეხუთე წლის ოქტომბრის ბოლო კვირას იმართება. ანუ, შემდეგი საპარლამენტო არჩევნები 2023 წლის ოქტომბერში უნდა ჩატარებულიყო.