ყირგიზეთში Boeing 747-ის ტიპის თვითმფრინავის ჩამოვარდნის შედეგად სულ მცირე 20 ადამიანი დაიღუპა. ავიაკატასტროფა ბიშკეკის მახლობლად მოხდა. ავიალაინერი სააგარაკო დასახლებას დაეცა. ამის შესახებ „ბი-ბი-სი“ იუწყება.
ყირგიზეთის საგანგებო სიტუაციათა სამინისტროს ინფორმაციით, თვითმფრინავმა ჩამოვარდნის დროს 15 სახლი დააზიანა. ასევე ვრცელდება ინფორმაცია, რომ ეკიპაჟის ერთი წევრი გადარჩა. ავიალაინერი ავიაკომპანია „თურქეთის ავიახაზებს” ეკუთვნოდა და ის ბიშკეკში სტამბოლიდან მიფრინავდა. ავიაკატასტროფა დაშვებისას მოხდა. თვითმხილველები აცხადებენ, რომ აეროპორტის მიდამოებში ამ დროს ძლიერი ნისლი იდგა.
კომენტარები