პოლონეთის მმართველი პარტიის ლიდერი, იაროსლავ კაჩინსკი აცხადებს, რომ არსებობს იმის ნიშნები, რომ უკრაინაში ომი რაიმე სახის კომპრომისით და არა საბოლოო მოგვარებით შეიძლება დასრულდეს.
„დღეს ჩვენ არ ვიცით, როგორ შეიძლება დასრულდეს ომი უკრაინაში. არსებობს იმის ნიშნები, რომ ის შეიძლება დასრულდეს რაიმე სახის კომპრომისით და არა საბოლოო მოგვარებით, რაც, სამწუხაროდ, ნიშნავს, რომ მალე შეიძლება ახალი საფრთხეები გაჩნდეს. ჩვენ არ გვინდა ასეთი გადაწყვეტა“, – განაცხადა კაჩინსკიმ.
პოლონეთის მმართველი პარტიის ლიდერის თქმით, პოლონეთი სრულად უჭერს მხარს უკრაინელებს მათი ტერიტორიის გათავისუფლების მოთხოვნაში, „მაგრამ ყველაფერი ჩვენზე არ არის დამოკიდებული“.
კომენტარები