“რომ იცი, სინამდვილეში ხარ ურეიტინგო და მარტო ქაღალდზე დაწერილი რეიტინგით ხარობ, მაშინ რეალურ არჩევნებს თავს არიდებ”

ოპოზიციამ, რეალურად, იცის მისი ძალიან დაბალი რეიტინგი და ამაზე მეტყველებს შუალედურ არჩევნებში მათი არმონაწილეობა, – ამის შესახებ „ქართული ოცნების“ დეპუტატი, გრეტა წიწავა სოციალურ ქსელში წერს.

მისი თქმით, IRI-ის ბოლოდროინდელი კვლევის შედეგების მიუხედავად, ოპოზიცია ვერ ბედავს შუალედურ არჩევნებში მონაწილეობის მიღებას, რითაც კიდევ ერთხელ დასტურდება, რომ ხელისუფლების ოპონენტებს, მომატებული რეიტინგი მხოლოდ ქაღალდზე აქვთ.

„რაც არ უნდა შეაგულიანოს IRI-იმ ზოგადად ოპოზიცია კვლევებით, ოპოზიციამ, რეალურად, იცის მისი ძალიან დაბალი რეიტინგი და ამაზე მეტყველებს შუალედურ არჩევნებში მათი არმონაწილეობა.
პოლიტიკური პარტია თუ ხარ ლოგიკურია არჩევნებში უნდა მიიღო მონაწილეობა, მაგრამ სინამდვილეში რომ იცი, ხარ ურეიტინგო და მარტო ქაღალდზე დაწერილი რეიტინგით ხარობ – მაშინ რეალურ არჩევნებს თავს არიდებ“, – წერს გრეტა წიწავა Facebook-ზე.