უკრაინის პრეზიდენტმა ვოლოდიმირ ზელენსკიმ განაცხადა, რომ რუსების თავდასხმის შემთხვევაში “ბანკოვას დაცვა ძალიან სერიოზულად იყო მომზადებული” იარაღითა და საბრძოლო მასალებით სხვადასხვა ადგილას. ამის შესახებ ზელენსკიმ ცნობილ უკრაინელ ჟურნალისტ დმიტრო კომაროვთან ინტერვიუში ისაუბრა.
ზელენსკიმ დეტალურად ისაუბრა ომზე და გაიხსენა ომის დაწყების პერიოდიც. უკრაინსი პრეზიდენტმა თქვა, რომ “თუ დედაქალაქი დაეცა და ლიდერი გაიქცა” ეს ნიშნავს, რომ “სახელმწიფო აღარ არსებობს”.
“ჩვენ აქ არ ვიქნებოდით, თუ ისინი [რუსული დივერსიული და სადაზვერვო ჯგუფები – რედ.] შევიდოდნენ შიგნით [ბანკოვას ქუჩა, პრეზიდენტის ადმინისტრაცია – რედ.]. თუ ვინმეს არ შეუშვებთ, რა მოხდება? მე მგონია, რომ არავინ ჩავარდება ტყვედ. ბანკოვას ძალიან სერიოზული დაცვა მოვამზადეთ. ჩვენ იქ ვიქნებოდით ბოლომდე…
ბანკოვას სხვადასხვა ადგილას იარაღი და საბრძოლო მასალის ყუთები გვქონდა.
დიახ, მე მაქვს [იარაღი – რედ.]. დიახ, ვიცი, სროლა. წარმოიდგინეთ: უკრაინის პრეზიდენტი რუსების ტყვეა. სამარცხვინოა. მე ვფიქრობ, რომ ეს იქნება სამარცხვინო.
ჩვენ საკუთარ თავს არ ვესროდით, ვესროდით თუ არა მათ საპასუხოდ? – დიახ “,- თქვა ზელენსკიმ.