აშშ-ის ეროვნული უსაფრთხოების საბჭოს სტრატეგიული კომუნიკაციების კოორდინატორმა, ჯონ კირბიმ განაცხადა, რომ აშშ-ის დაზვერვის შეფასებით, ბოლო 5 თვის განმავლობაში, ბახმუტისთვის ბრძოლაში 20 000 რუსი სამხედრო დაიღუპა, მათგან ნახევარი „ვაგნერის“ დაჯგუფების დაქირავებული მებრძოლია.
„რუსეთმა ამოწურა თავისი სამხედრო მარაგები და შეიარაღებული ძალები. დეკემბრის შემდეგ, ჩვენი შეფასებით, რუსეთმა 100 000 ადამიანი დაკარგა, მათ შორის, 20 000 მოკლულია ბრძოლაში. მათგან დაახლოებით ნახევარი „ვაგნერის“ დაჯგუფების დაქირავებული მებრძოლია. ეს ციფრები ნამდვილად გასაოცარია“, – აღნიშნა თეთრი სახლის მაღალჩინოსანმა.
ჯონ კირბიმ ხაზგასმით აღნიშნა, რომ დონბასში რუსეთის შეტევის მცდელობა ბახმუტიდან ჩავარდა და რუსეთმა ვერ შეძლო რამე რეალური სტრატეგიული და მნიშვნელოვანი ტერიტორიის დაკავება.