კრემლის ლიდერის პრესმდივნის დმიტრი პესკოვის განცხადებით, ამერიკის შეერთებულ შტატებს უკრაინის წინააღმდეგ ომში რუსეთის დანაკარგების შესახებ სანდო ინფორმაცია არ აქვს.
„ვაშინგტონს არ აქვს შესაძლებლობა ომში დანაკარგების შესახებ სწორი რიცხვი დაასახელოს. მათ {ამერიკელებს} არ აქვთ ასეთი მონაცემი. ჩვენ ყურადღება უნდა გავამახვილოთ მხოლოდ იმ მონაცემებზე, რომელსაც რუსეთის თავდაცვის სამინისტრო აქვეყნებს“, – აცხადებს პესკოვი.
პესკოვის განცხადებას წინ უძღოდა, თეთრი სახლის ეროვნული უსაფრთხოების საბჭოს სპიკერის ჯონ კირბის მიერ გაკეთებული განცხადება, რომლის თანახმადაც ზამთრის პერიოდში რუსეთის ფედერაციის დანაკარგებმა 100 000 ჯარისკაცს მიაღწია.
კომენტარები