თურქეთის პოლიციამ სტამბოლის ღამის კლუბზე განხორციელებულ თავდასხმაში ეჭვმიტანილი დააკავა. დეტალებზე სტამბოლის გუბერნატორმა ისაუბრა.
„სტამბოლის პოლიციის სამმართველომ ძალიან სერიოზული და კომპლექსური სამუშაო ჩაატარა ტერორისტული აქტის შემსრულებლის დაკავებისთვის. 17 იანვრის ღამეს ტერორისტული აქტის ჩამდენი დააკავეს ესენიურთის რაიონში ჩატარებული ოპერაციის ფარგლებში. დაკავებული უზბეკეთის მოქალაქე აბდულკადირ მაშარიპოვია, რომელიც 1983 წელს არის დაბადებული. მაშარიპოვმა განათლება ავღანეთში მიიღო. ის ტერორისტია, რომელმაც სათანადო მომზადება მიიღო“, – განმარტა გუბერნატორმა.
სტამბოლის გუბერნატორმა ასევე განაცხადა, რომ ტერორისტმა უკვე აღიარა ბრალეულობა.
კომენტარები