ევროკავშირის საბჭომ უკრაინისთვის საბრძოლო მასალის შესაძენად მილიარდი ევროს გამოყოფა დაამტკიცა. ინფორმაციას ამის შესახებ ევროკავშირის საბჭო ავრცელებს.
თანხა გამოიყოფა ევროპის მშვიდობის ფონდის ფარგლებში უკრაინის შეიარაღებული ძალებისთვის 155 მმ-იანი საარტილერიო ჭურვების და, საჭიროების შემთხვევაში, რაკეტების შესყიდვის დასაფინანსებლად. შესყიდვა თავდაცვის ევროპული ინდუსტრიისგან მოხდება.
„უკრაინის შეიარაღებულ ძალებს სჭირდებათ მნიშვნელოვანი რაოდენობით საბრძოლო მასალა უკრაინელი ხალხისა და ტერიტორიის დასაცავად. მათ ეს სჭირდებათ სწრაფად“, – განაცხადა ევროპული დიპლომატიის ხელმძღვანელმა ჟოზეფ ბორელმა.
კომენტარები