პრიგოჟინი გამოთქვამს მზადყოფნას 10 მაისიდან ბახმუტში პოზიციები გადასცეს კადიროვის “ახმატს”.
მისივე თქმით, 10 მაისს 00.00 საათზე პოზიციების გადასაცემად „ახმატის“ წარმომადგენლებს დაუკავშირდება – „ზუსტად იმ მომენტში, როცა ჩვენი გათვლებით, სრულად ამოწურავთ ჩვენს საბრძოლო პოტენციალს“ – ამბობს “ვაგნერის” დაჯგუფების ხელმძღვანელი.
საბრძოლო მასალის ნაკლებობის გამო, გუშინ პრიგოჟნმა განაცხადა, რომ 10 მაისს ვაგნერი ბახმუტს დატოვებდა. ამის შემდეგ, ჩეჩნეთის ხელმძღვანელმა კადიროვმა, მზადყოფნა გამოთქვა, პრიგოჟნის მებრძოლები ჩეჩნურმა სპეცდანიშნულების რაზმმა,”ახმატმა” ჩაანაცვლოს.
ბახმუტი უკრაინის ფრონტის ყველაზე ცხელ წერტილად რჩება.
უკრაინის შეიარაღებული ძალების აღმოსავლეთ ჯგუფის წარმომადგენლის, სერგეი ჩერევატის თქმით, რუსი სამხედროები აგრძელებენ შეტევას, გრძელდება მძიმე ბრძოლები.
ქალაქისთვის ბრძოლა კი უკვე ცხრა თვეა მიმდინარეობს. მიუხედავად ეტაპობრივი წინსვლისა, რუსული ძალები ვერ ახერხებენ ქალაქის სრულად აღებას.