ინდოეთის შორეულ შტატ მანიპურში ეთნიკური შეტაკებების შედეგად, სულ მცირე, 30 ადამიანი დაიღუპა.
ძალადობრივი ქმედებები მანიპურში მას შემდეგ დაიწყო, რაც უმრავლესობაში მყოფი ეთნიკური ჯგუფისთვის ტომის სტატუსის მინიჭებას პროტესტი მოჰყვა. უკმაყოფილება იმ მიზეზით იყო განპირობებული, რომ აღნიშნული სტატუსი კონკრეტულ ჯგუფს გარკვეულ პრივილეგიებს მიანიჭებდა. ამით საფრთხე დაემუქრა სხვა ჯგუფების წარმომადგენელთა მიწაზე საკუთრების უფლებას. ისინი შიშობენ, რომ მთავრობის ამ გადაწყვეტილებით წინაპრების მიწებს დაკარგავენ.
პროტესტი ძალადობრივ ფორმაში გადაიზარდა. კონკრეტულმაი დაჯგუფებები თავს დაესხნენ სახლებს, მანქანებს, ეკლესიებსა და ტაძრებს. ზოგიერთი ცნობით, დაღუპულთა რიცხვი 54-მდე გაიზარდა.
კონფლიქტის შედეგად დაზარალებულთა რიცხვი 10 000-მდე ადის. ადგილზე მობილიზებულია სამხედრო დანაყოფები. რამდენიმე რაიონში დაწესებულია კომენდანტის საათი და შეჩერებულია ინტერნეტი.
მეზობელმა სახელმწიფოებმა დაიწყეს სტუდენტების ევაკუაცია მანიპურიდან.
თავდაცვის ძალების მტკიცებით, ისინი ცდილობენ სიტუაციაზე კონტროლის დაბრუნებას.