სამოქალაქო საზოგადოების ჯგუფებმა ევროკომისიის პრეზიდენტს, ურსულა ფონ დერ ლაიენს წერილით მიმართეს, რომელშიც მოუწოდებენ არ მიიღონ ახალი კანონი, რომელიც არასამთავრობო ორგანიზაციებს დაავალდებულებს გაასაჯაროონ ევროკავშირის გარედან მიღებული დაფინანსება. ამის შესახებ Euractiv-ი წერს.
გამოცემის ინფორმაციით, 200-ზე მეტი სამოქალაქო ჯგუფი აღნიშნავს, რომ ანალოგიურმა კანონებმა მნიშვნელოვნად შეამცირეს სივრცე დამოუკიდებელი სამოქალაქო საზოგადოებისთვის და მათ გამოიყენებენ როგორც კრიტიკული ხმების გასაჩუმებელ ინსტრუმენტს.
ევროკომისია ახალ „დემოკრატიის დაცვის პაკეტს“ მაისში წარადგენს. პროექტის ინიციატორი ევროპის სახალხო პარტია EPP-ია. პარტიაში ამერიკული FARA-ს ევროპული ანალოგის შექმნის აუცილებლობაზე საუბრობენ, თუმცა არასამთავრობო ორგანიზაციები აღნიშნავენ, რომ FARA-ს წესები მხოლოდ იმ ორგანიზაციებზე ვრცელდება, რომლებიც უცხოური ქვეყნების პირდაპირი კონტროლის ქვეშ მუშაობენ.