სომხეთის პრემიერ-მინისტრმა, ნიკოლ ფაშინიანმა განაცხადა, რომ კვირას სომხეთსა და აზერბაიჯანს შორის სამშვიდობო შეთანხმების ხელმოწერის ალბათობა დაბალია.
ნიკოლ ფაშინიანმა აღნიშნა, რომ უარს არ ამბობს14 მაისს ბრიუსელში აზერბაიჯანის პრეზიდენტთან, ილჰამ ალიევთან შეხვედრაზე.
„მინდა ვუპასუხო შემდეგ შეკითხვას, რომელსაც, როგორც ვვარაუდობ, გარკვეული ძალები დასვამენ ბრიუსელში წასვლის შემთხვევაში. რამდენად სავარაუდოა, რომ კვირას აზერბაიჯანთან სამშვიდობო შეთანხმებას მოეწეროს ხელი? სამწუხაროდ, ეს შესაძლებლობა ძალიან მცირეა, რადგან ორმხრივი შეთანხმების პროექტი მშვიდობისა და სახელმწიფოთაშორისი ურთიერთობების დამყარების შესახებ ჯერ კიდევ ძალიან წინასწარია და მის ხელმოწერაზე საუბარი ნაადრევია“, – განაცხადა ფაშინიანმა.
კომენტარები