უკრაინაში ვითარება ისევ დაძაბულია – ღამით სარაკეტო იერიში განხორციელდა ხარკოვზე. დაზიანებულია სატრანსპორტო ინფრასტრუქტურა და საცხოვრებელი კორპუსი. ორჯერ დაესხნენ თავს ტერნოპილის ოლქს. დაზიანებულია 10-ზე მეტი კერძო სახლი, სავაჭრო ობიექტები და მანქანები. დაჭრილია 2 მოქალაქე.
გასული 24 საათის განმავლობაში ოკუპანტებმა 90-ჯერ მიიტანეს იერიში ხერსონის ოლქზე. დაშავდა 6 ადგილობრივი. დაიბომბა კოსტიანტინივკა. დაიღუპა 2 და დაიჭრა 10 ადგილობრივი. დაღუპულებსა და დაშავებულებს შორის არიან ბავშვები.
ამასთან, ვოლოდიმირ ზელენსკი ვიზიტით იტალიაში იმყოფებოდა, სადაც იტალიის პრეზიდეტნს, მინისტრთა საბჭოსა და ასევე, რომის პაპ ფრანცისკეს შეხვდა. პრეზიდენტმა აღნიშნა, რომ მას ჰქონდა საუბარი, რომელმაც შეიძლება გავლენა მოახდინოს ისტორიაზე და რუსეთის აგრესიისა და ბოროტების შეჩერება შეძლოს.
“შევხვდი იტალიის პრეზიდენტს და მინისტრთა საბჭოს პრეზიდენტს. როგორც შევიტყვე, იტალია გააგრძელებს უკრაინის მხარდაჭერას. შევთანხმდით ქალბატონ პრემიერთან ჩვენს ახალ ერთობლივ თავდაცვით ნაბიჯებზე. ეს ის არის, რისი გაკეთებაც შეგვიძლია ერთად ცის დასაცავად, მიწის დასაცავად. შევთანხმდით იარაღსა და საჰაერო თავდაცვაზე.
რუსმა მკვლელებმა კიდევ ერთი უკრაინელი ბავშვი მოკლეს – გოგონა, რომელიც 16 წლისაც არ იყო. მას ნადია ერქვა. დაიღუპა 64 წლის მამაკაციც.
ეს იყო რუსული სარაკეტო საარტილერიო დარტყმა, უბრალოდ ქუჩებში – სახლებზე, მაღაზიებზე, აფთიაქსა და საწყობზე. ასე იბრძვის რუსეთი. არტილერია ნებისმიერი ადამიანის – ბავშვებისა თუ მოზრდილების, კაცებისა თუ ქალების წინააღმდეგ. ამის შეჩერება შესაძლებელია მხოლოდ ძლიერი იარაღით, იარაღით, რომლითაც ჩვენს ჯარისკაცებს შეუძლიათ აგრესიის, ბოროტების განდევნა ისე, რომ კრემლმა ვერ შეძლოს აგრესიის გავრცელება სხვა ევროპულ ქვეყნებზე.
შევხვდი რომის პაპ ფრანცისკეს. გვქონდა საუბარი, რომელმაც ნამდვილად შეიძლება გავლენა მოახდინოს ისტორიაზე და მართლაც შეძლოს აგრესიის, ბოროტების შეჩერება.
ისიც კი არ არის ცნობილი, ზუსტად რამდენი ბავშვი მოიპარა რუსეთმა უკრაინიდან. მის უწმინდესობას ვთხოვე დახმარება ჩვენი შვილების დაბრუნებაში. ასევე ვისაუბრე ჩვენი მშვიდობის ფორმულის სხვა პუნქტებზე.
მჯერა, რომ მისი უწმინდესობის ნებას და გულწრფელობას შეუძლია ჩვენი მშვიდობის ფორმულის განხორციელებასთან დაახლოება. მივიღეთ ასევე ერთობლივი დეკლარაცია იტალიასთან. ევროკავშირმა – იტალიამ მხარი დაუჭირა მოლაპარაკებების დაწყებას 2023 წელს. ეს არის სწორი და დროული სიგნალები ნატოსთან დაკავშირებით,” – აცხადებს ვოლოდიმირ ზელენსკი.