საქართველოს ექსპრეზიდენტი, მიხეილ სააკაშვილი ოდესაში, იტალიურ ბულვარში პენტჰაუსს ყიდის.
ამის შესახებ უკრაინული გამოცემა “სტრანა”-სთვის უძრავი ქონების წრეებში წყაროებისგან გახდა ცნობილი.
სააკაშვილის ოროთახიანი ბინა ბოლო სართულზე მდებარეობს, მას აქვს დასრულებული სხვენი ზღვის ხედით.
„სტრანას“ განკარგულებაში იყო სააკაშვილის ბინის ექსკლუზიური ფოტოები.
მედია წერს, რომ ოდესის ამავე რაიონში მსგავსი ბინის საბაზრო ფასია, დაახლოებით, 200 ათასი დოლარი.
“სტრანა” წერს, რომ სხვა საკითხია, რეალურად მოხერხდება თუ არა მისი გაყიდვა, რადგან ამჟამად ძვირად ღირებული ბინები ძალიან დიდი ფასდაკლებით იყიდება.
კომენტარები